ஓபிஎஸ் திமுகவில் இணைய வாய்ப்பு? அமைச்சர் பதிலடி!

ஓபிஎஸ் திமுகவில் இணைய விருப்பமா? பாஜகவில் இருந்து விலக வாய்ப்பு? அமைச்சர் பெரியசாமியின் பதிலும், அரசியல் மாற்றங்களும்!

அதிமுகவில் ஒருங்கிணைப்பாளராகவும், துணை முதல்வராகவும் இருந்த ஓ.பன்னீர்செல்வம், பாஜகவுடன் நெருக்கம் காட்டி வந்தவர். 2022-ல் எடப்பாடி பழனிசாமிக்கு எதிராக நடந்த அரசியல் நிமிடங்களில், அதிமுகவில் இருந்து நீக்கப்பட்டார். அதனைத் தொடர்ந்து, பாஜகவுடன் நெருக்கம் காட்டிய அவர், “அதிமுக உரிமை மீட்பு குழு” எனும் பெயரில் புதிய அணியை உருவாக்கினார்.

2024 மக்களவைத் தேர்தலில் ராமநாதபுரம் தொகுதியில் போட்டியிட்ட ஓபிஎஸ் தோல்வி அடைந்தார். பாஜகவுடன் அவர் வைத்த நம்பிக்கை பலனளிக்காத நிலையில், தேசிய ஜனநாயகக் கூட்டணியில் இருந்து விலகும் முடிவை எடுத்திருக்கலாம் என கூறப்படுகிறது. அமித்ஷா அவரை சந்திக்காதது, பிரதமரை சந்திக்க அனுமதி மறுக்கப்பட்டதோடு, அவர் மீது மதிப்பீடு குறைந்துவிட்டதாகவும் அரசியல் வட்டாரங்கள் கருதுகின்றன.

இந்த சூழ்நிலையில், அமைச்சர் ஐ.பெரியசாமி கூறியதாவது: “யார் வேண்டுமானாலும் திமுகவில் இணையலாம். ஓபிஎஸ் வர விரும்பினால் வரட்டும். தமிழகம் இன்று மு.க.ஸ்டாலின் தலைமையில் ஓரணியில் செல்கிறது. அந்த முயற்சியில் ஒட்டுமொத்தம் தமிழகம் உள்ளது.”

அந்நிலையில், ஓபிஎஸ் திமுகவில் இணைய வாய்ப்பு குறைவாக இருப்பதாகவே எதிர்பார்க்கப்படுகிறது. காரணம், அவரது ஆதரவை உள்ளடக்கிய அதிமுக வாக்குகள் திமுகவுக்குச் செல்லாது என்பதே முக்கியப் புள்ளி. ஆகவே, தனிக் கட்சி தொடங்கி தவெகவுடன் கூட்டணி அமைப்பாரா என்பது தான் அரசியல் வட்டாரங்களில் நிலவும் முக்கிய கேள்வி.