தனுஸ்ரீ தத்தா கண்ணீர் வீடியோ வெளியீடு பரபரப்பு

தனுஸ்ரீ தத்தா, விஷால் நடித்த திரைப்பட நடிகை, தன்னை காப்பாற்றுங்கள் என அழுத வீடியோவால் ரசிகர்கள் மத்தியில் பெரும் அதிர்ச்சி ஏற்பட்டுள்ளது.

மும்பை: முன்னாள் மிஸ் யூனிவர்ஸ் போட்டியில் சிறப்பாக திகழ்ந்து, பாலிவுட்டில் பிரவேசித்த நடிகை தனுஸ்ரீ தத்தா தற்போது கண்ணீர் வடியும் வீடியோவுடன் ரசிகர்களை அதிர்ச்சியடைய வைத்துள்ளார். தமிழில் “தீராத விளையாட்டு பிள்ளை” படத்தில் விஷாலுக்கு ஜோடியாக நடித்திருந்தார்.

தனுஸ்ரீ தத்தா 2004ல் நடந்த மிஸ் யூனிவர்ஸ் போட்டியில் முதல் 10 இடத்துக்குள் இருந்தவர். அதன்பின்னர் பாலிவுட்டில் “ஆஷிக் பனாயா அப்னே” படம் மூலம் அறிமுகமானார். பல படங்களில் கவர்ச்சி தோற்றத்தில் நடித்ததையடுத்து தமிழ் சினிமாவிலும் வாய்ப்பு கிடைத்தது. ஆனால் தமிழில் ஒரு படத்துக்குப் பிறகு வாய்ப்புகள் குறைந்து விட்டன.

அவரது வீடியோவில், “2020 முதல் என் வீட்டில் மேலும் கீழும் தொடர்ச்சியாக சத்தம் கேட்கிறது. புகார் அளித்தும் எதுவும் நடக்கவில்லை. மன அழுத்தம் காரணமாக உடல்நலமும் பாதிக்கப்பட்டுள்ளது” என கூறியுள்ளார்.

தனுஸ்ரீ தத்தாவின் இந்த வீடியோ சமூக வலைதளங்களில் பரவலாக பகிரப்பட்டு வருகிறது. சிலர் அவருக்கு ஆதரவு தெரிவித்துள்ளதுடன், மற்றவர்கள் விளம்பரத்திற்காக இதை செய்யலாம் என சந்தேகம் எழுப்பியுள்ளனர்.